Daşnaq medalı

Venesiyanın Mxitaryan ruhanilərinin rəhbəri Komitas Manukyanın təşəbbüsü ilə 1894-cü ildə «Artsax» adını ala bilən bir medal təsis edilmişdir. Medalın üz tərəfində erməni dilində «Qarabağ bizimdir» və «Qarabağ bizim Artsaxdır» sözləri yazılmışdır. O medalın digər tərəfində isə «Ey erməni xalqı, sənin yeganə qurtuluşun – gücündədir. Mərd olsaq, tərəfdarlarımız çoxalacaq» sözləri həkk olunmuşdur. Bu medalın şəkli Azərbaycanın 8 rayonunun işğalından əvvəl «Sovet Qarabağı» qəzetinin 25 avqust 1989-cu il tarixli nömrəsində dərc edilmişdir. İndiki Ermənistanın xəritəsi təsvir olunmuş bu medalın üz tərəfində həmçinin Dağlıq Qarabağ bu ölkənin ərazisi kimi göstərilmişdir.

Medal mədəniyyət, ədəbiyyat, incəsənət, həmçinin dənizdən dənizə «Böyük Ermənistan» yaratmaq və onun ayrılmaz hissəsi olan Qarabağ, Naxçıvan və Azərbaycanın digər torpaqlarının ələ keçirilmsinə öz töhfəsini vermiş keçmişin, hazırkı dövrün və gələcəyin xadimlərini mükafatlandırmaq üçün təsis edilmişdir.

Erməni müəllifi Z.Balayanın 1996-cı ildə Vanadzorda çapdan çıxmış  
“Ruhlarımızın dirilməsi” kitabından (səh. 260-262) bir parça:

“ ...Ancaq ürəyi çıxarılaraq qəm oduna atılmış erməni xalqının övladı bu sətirlərdən fəxr duya və həzz ala bilər. Mən də vətəndaş şərəfi və müqəddəs kişi borcunu yerinə yetirərək bu eybəcər monqol nəslini məhv etməklə məşğul olurdum.

Biz Xaçaturla onların saxlandığı zirzəmiyə düşəndə əsgərlərimiz artıq uşağı biləklərindən pəncərə çərçivəsinə mıxlamışdılar. Uşağın çox səs-küy salmaması üçün Xaçatur öldürülmüş anasının döşünü kəsib onun ağzına soxdu. Sonra mən bu 13 yaşlı türkün başına onun əcdadlarının bizim uşaqların başına gətirdiklərini gətirdim. Mən onun başının, sinəsinin və qarnının dərisini soydum. O, qan itirməsindən 7 dəqiqə sonra öldü. Mən ilk peşəmə görə həkim-humanist kimi bu uşağın başına gətirdiklərimə görə özümü xoşbəxt hiss etmirdim. Ancaq ruhum sevinirdi, ona görə ki, mən xalqımın ağrılarının heç olmasa yüzdə birinə görə qisas almışdım.

Xaçatur uşağın cəsədini parçalayaraq itlərə atdı, bu türk özü də həmin itlərdən törənmişdir. Axşam bu türk murdarlarından üçünü də həmin qaydada öldürdük. Mən bir erməni, vətənpərvər və vətəndaş kimi öz borcumu yerinə yetirdim. Mən Xaçaturun da, o birilərinin də gözlərində qisas ruhu və güclü humanizm gördüm. Sonra mənim uşaqlıq dostum mayor Suren dedi: “Biz vəhşi deyilik, lakin biz soyuqqanlığımızı saxlamalıyıq. Türklərin, cəlladların əli ilə öldürülmüş qurbanların ruhları rahatlanmalıdır”

Səhərisi gün biz kilsəyə getdik, 1915-ci ildə ölənlərin ruhuna dualar oxuduq, dünən gördüklərimizdən ruhlarımızın təmizlənməsi üçün xahiş etdik. Biz Xocalını və digər torpaqlarımızı 30 min murdar türk nəslindən təmizləyə bildik.

Sonra Surenin evində arvadı bizə Cemruk süzənə qədər Xaçatur yorğun səslə dedi: “Ermənilər doğma torpaqlarını azad etməli və Ermənistanın böyüklüyünü bərpa etməlidir. Bizim xidmətlərimiz göylərdə nəzərə alınacaq və əcdadlarımız qarşısında vicdanımız təmiz olacaqdır, biz öz borcumuzu yerinə yetiririk”- Mən razılaşmaya bilməzdim.

Dövlət səviyyəsində terroru himayə

Ermənistan müstəqillik əldə etdiyi vaxtdan başlayaraq terroru dövlət səviyyəsində dəstəkləyir. Bu ölkə terroru təcavüzkar siyasətini həyata keçirmək üçün əsas vasitələrdən birinə çevirmişdir. Ötən əsrin 90-cı illərinin əvvəllərində Ermənistanın rəsmi dairələri Daşnaqsütyun, ASALA, “Erməni azadlıq cəbhəsi ” və digər terrorçu təşkilatlara bəraət qazandırmaq üçün genişmiqyaslı kampaniyaya başladılar.

Tanınmış terrorçu Varocan Karapetyan 1983-cü ildə Fransanın Orli hava limanında törətdiyi terror aktına görə ömürlük həbs cəzasına məhkum edilmişdi. Bu qanlı terror hadisəsində 19 nəfər ölmüş, 60 nəfərdən çox insan yaralanmışdı. 2001-ci ilin aprelində Ermənistanda dövlət səviyyəsində imzatoplama kampanyası keçirildi, terrorçu Karapetyanın azadlığa buraxılması tələbi ilə 1 milyona qədər imza toplandı. Fransa məhkəməsi bu tələbi yerinə yetirdi. V.Karapetyan azadlığa çıxaraq Ermənistanda siyasi siğınacaq aldı, orada qəhrəman kimi dövlət səviyyəsində qarşılandı və indi də fəaliyyətini davam etdirir.

Terrorçu kimi yaxşı tanınan, ASALA təşkilatının Qərbi Avropa qruplaşmasının rəhbəri Monte Melkonyan Fransada həbsdən azadlığa buraxılan kimi, 1990-cı ildə fəaliyyətini davam etdirmək üçün Ermənistana, oradan da Qarabağa gəldi. O, 1993-cü ildə Qarabağda döyüşlərin birində öldürüldü. İrəvanda onun dəfnində bütün rəsmi şəxslər, o cümlədən prezident də iştirak edirdi. Ermənistanın Müdafiə Nazirliyinin diversiya mərkəzlərindən birinə bu beynəlxalq terrorçunun adı verilmişdir.

Tanınmış terrorçu Qrant Markaryan Daşnaksütyun partiyasının “Dro” qruplaşmasının üzvü kimi Dağlıq Qarabağda terror dəstələrinə rəhbərlik etmiş, bu dəstələrin Ermənistandan gətirilən silahlarla təmin olunmasında fəal iştirak etmişdir.

Türkiyənin Parisdəki səfirliyinə 1981-ci ildə hücum təşkil etməsi ilə məşhur olan terrorçu Vazqen Siseyan 1992-ci ildə İrəvandan Xankəndinə göndərildi. Azərbaycanlılara qarşı terror aktlarının təşkilində fəal iştirakına görə Ermənistan prezidenti R. Koçaryanın fərmanı ilə ona “ Qarabağ müharibəsinin qəhrəmanı” adı verilmişdir.

Ermənidən doğru xəbər

Dağlıq Qarabağda qurulan rejimin oyuncaq olduğunu ermənilərin özü də başa düşürlər. Erməni politoluqu İqor Muradyan diqqəti çəkən bəyanatla çıxış edib. O, bildirir ki, Stepanakertdə (Xankəndində) hətta “parlament”in iclasını da Ermənistan rəhbərliyindən soruşmamış keçirə bilmirlər, qorxurlar. “Dağlıq Qarabağ parlamenti siyasi cinayətkarlar yığıncağıdı.” “Bu gün Arkadi Qukasyan Qarabağ problemi ilə bağlı heç bir informasiyaya malik deyil. Yerevanda istənilən xidməti maşın sürücüsü ondan daha çox məlumatlıdı.”

Berlində erməni aksiyası

Ermənilər Berlində Azərbaycan səfirliyi qarşısında güya Naxçıvanda “erməni” abidələrinin dağıdılmasına etiraz olaraq aksiya keçiriblər. Aksiya Almaniyada fəaliyyət göstərən erməni genosid komissiyası tərəfindən təşkil olunub. Yunanların, kürdlərin, italyanların da qatıldığı aksiya zamanı antiazərbaycan şüarları səsləndirilib, vərəqələr paylanıb.

Pulsuz pendir və quş əti

Ötən həftədən başlayaraq Ermənistan parlamentində nahar zamanı deputatlara pulsuz yumurta və quş əti təklif olunur. Bu təşəbbüs “Lusavert” quşçuluq fabrikinin sahibi, deputat Xaçik Manukyana məxsusdur. Erməni politoloqlarından biri bu hadisəni belə şərh etmişdir: Yaddan çıxarmaq lazım deyil ki, pulsuz pendir yalnız siçan tələsində, pulsuz yumurta və quş əti isə, quş qripi zamanı olur. Biz də qalmışıq pulsuz yumurtaya görə, həyatı ilə risk edən bu ermənilərin əlində.

45 % ermənini Ermənistanın taleyi narahat etmir

ATƏT-in İrəvan ofisinin rəhbəri Vladimir Pryaxin bildirmişdir ki, Ermənistan əhalisinin 45%-i seçkilərdə iştirak etmir. O, qeyd etmişdir ki, “orta erməni ailəsinin büdcəsi xaricdən gələn yardım hesabına formalaşır. Elə buna görə də onları respublikada nə baş verdiyi maraqlandırmır.”

Səhifəni hazırladı: İ. Mehdi

◄ 1 ... 7 8 9 ... 16 ► ₪