Yalan yeriməz

Qarabağ Azadlıq Təşkilatı bütün dünya türklərinin yaratmış olduğu qurumlar içərisində hər bir türk övladının iştirakı vacib olan bir təşkilatdır.

Hakimiyyətdəkilərdən yalnız bir şeyi - işğal olunmuş torpaqlarımızı azad etmək uğrunda mübarizə aparmalarını istərdik. Zaman-zaman torpaqlarımız işğal olunaraq yağmalanıb. Bunun qarşısını bizlər - torpağını sevən vətəndaşlar almalı və torpaqlarımızı işğaldan azad etməliyik. 20-ci yüzillik Azərbaycanımızın qara xətlə yazılmış səhifəsi, əsrin sonu isə müstəqilliyimizin, tariximizin ən önəmli səhifəsi kimi millətimizin yaddaşına əbədi həkk olunacaqdır.

"Azad Qarabağ" qəzeti!.. Bu ad da Qarabağ Azadlıq Təşkilatı qədər böyük səslənir. Üzeyir bəyin, Xurşudbanu Natəvanın, Bülbülün, Rəşid Behbudovun və Azərbaycanın digər bu kimi böyük şəxsiyyətlərinin narahat ruhları ancaq Qarabağ qaytarılaraq, torpaqlarımızın bütövlüyü bərpa olunduqdan sonra rahatlıq tapa bilər. İnanırıq ki, "Azad Qarabağ" qəzeti dünya azərbaycanlılarını Qarabağ uğrunda mübarizəyə səfərbər edəcək və mənfur düşmən üzərində qələbənin təmin olunmasında millətimizin yardımçısı olacaq!

Artıq Avropaya, eləcə də dünyanın hər yerinə səpələnmiş soydaşlarımız Qarabağ həqiqətlərini dünya ictimaiyyətinə çatdırmaqdadırlar. Biz bir ictimai təşkilat olaraq Almaniyada tədbirlər və sərgilər keçirmək qərarına gəlmişik. Dünya ictimaiyyətinə Qarabağ həqiqətlərini, xüsusilə də separatçı rejimin Xocalıda törətdiyi soyqırımı, milli faciəmizi əks etdirən fotoşəkillər və videogörüntülər vasitəsilə nümayiş etdirərək, bu vaxta kimi misli görünməmiş, xüsusi amansızlıqla həyata keçirilmiş erməni terrorizmini dünya xalqlarına çatdırırıq. İşgəncələrin görüntülərini əks etdirən erməni vəhşiliyindən təsirlənən alman və başqa millətlərin nümayəndələri öz münasibətlərini açıqca bildirir. Azərbaycanlıların haqlı mövqeyini müdafiə etdiklərini qeyd edirlər. İllərlə dünya ictimaiyyətinə yalanlar və böhtanlar atan işğalçı ermənilər, indi həqiqəti gizlədə bilməmələrindən dəhşətə gəlirlər. Şübhəsiz ki, alman mediyasında çalışan jurnalist dostlarımızın alman qəzetlərində Xocalı soyqırımını əks etdirəcək materialların çapını səbirsizliklə gözləyirik. Məşhur el məsələsində deyildiyi kimi "yalan ayaq tutar, amma yeriməz".

Artıq dünya ictimaiyyəti getdikcə Qarabağ həqiqətlərindən agah olmaqdadır. Erməni separatçılarının həqiqi sifəti üzə çıxdıqca, bu işdə haqlı mövqeyimizi müdafiə etməkdə davam edəcəyik. Bizlər bu hadisələri unutmayaraq, milli birliyimizi nümayiş etdirməliyik.

Arzumuzu budur ki, "Azad Qarabağ" millətimizin qeyrətini üzə çıxaracaq bu qəzetdə dərc olunacaq məqalələr, gənclərimizin Vətən sevgisini gücləndirsin və işğal edilmiş torpaqlarımızın azadlığı uğrunda mübarizəyə hazır olsunlar.

İntiqam Məmmədov
Almaniya

Sorğu

Bu dəfəki sorğumuzda Azərbaycan vətəndaşlarının işğal olunmuş İrəvana, Qarabağa səfər etmələrinə  həm siyasilərin, həm də sakinlərin münasibətini öyrəndik.

BAB sədri Aqil Səmədbəyli:

-Mən bu səfərlərə çox pis baxıram. Torpağımız azad olmayınca, ermənilərlə heç bir əlaqə qurulmamalıdır. Onlar belə səfərlərdən çəkinməlidirlər.

AXCP (k) Ali Məclisinin sədri Zəlimxan Məmmədli:

- Təəssüf ki, bəziləri Ermənistana, Qarabağa səfər edirlər. Mən buna  pis  baxıram, ermənlərlə heç bir əlaqə olmamalıdır.

Şuşa Birliyinin sədr müavini Umudvar Məmmədli:

- Mən çox pis baxıram. Bu şəhidlərin qanları düşməndən alınmayınca, torpaqlarımız yağı düşmən tapdağından azad olmayınca, ermənilərlə heç bir əlaqə qurulmamalıdır.

QAT-ın İdarə Heyətinin üzvü Gültəkin Quliyeva:

- Biz ermənilərlə döyüşməli, səngərlərdə üz-üzə gəlməliyik. Masa arxasında oturub söhbətləşməməliyik.

Politoloq Məhərrəm Zülfüqarlı:

- Mən bu hərəkətlərə pis baxıram. Ermənilərlə əlaqə qurulmasının əleyhinəyəm.

AXCP üzvü Gülayə Quliyeva:

- O dığalarla əlaqə qurulmamalıdır. Bu səfərlər ermənilərə xidmət etməkdir. İctimaiyyət bu insanlara və onların hərəkətlərinə öz etirazını bildirməlidir.

Zeynalova Pərişan - müəllimə:

- Mən onları azərbaycanlı yox,  erməni xislətli insanlar və  ya erməni hesab edirəm. Bir jurnalist gedib işğal olunmuş torpaqlarımızda vurulmuş Azərbaycan tankının yanında şəkil çəkdirirsə, mən onun milliyətinə və namusuna şübhə ilə yanaşıram.

Rey Kərimoğlu, jurnalist:

- Mən çox pis qiymətləndirirəm. Ümumiyyətlə, bu  səfərlərə  birdəfəlik son qoyulmalıdır. Öz mövqeyimi onlara yazılarımla çatdırmışam.

Xəlilova Arzu, tələbə:

- Eynulla Fətullayev bir şeyi yaxşı bilməlidir ki, o jurnalist olmamışdan əvvəl, Azərbaycan Respublikasının vətəndaşıdır. Təkcə ANS deyil, bütün ictimaiyyət onları qınaq atəşinə tutmalıdır.

Əsgərova Bəsti, həkim:

- Məncə, bu səfərlərin qarşısı dövlət səviyyəsində alınmalıdır. Əgər dövlət səviyyəsində müharibə gedirsə, dövlət özü dövlət səviyyəli məsələlərə nəzarət etməlidir.

Hazırladı: Vüsal

Sabah müharibə başlayarsa...

Bu gün atəşkəs olsa da, hamımızı bir sual düşündürür. Sabah müharibə başlayarsa, cəmiyyətin mövqeyi necə olacaq?

Elə bu sualla da vətəndaşlarımıza müraciət edib, onların fikirlərini öyrənmək istədik.

Sabah müharibə başlayarsa

Həsənov Elmir:

- Sabah müharibə başlayarsa, mən də bir vətəndaş kimi silaha sarılıb torpaqlarımızın azadlığı uğrunda döyüşə qatılardım. Düşmənə öz gücümüzü göstərərdim. Qarabağı biz mütləq  azad etməliyik. Yoxsa gələcək nəsillər bizi heç vaxt bağışlamaz.

Teymur Cəbiyev:

- Mən o günü səbirsizliklə gözləyənlərdən biriyəm.  Həmin günün də çox uzaqda olmadığını görürəm. Məncə cəmiyyətimiz buna tam hazır deyil. Çünki indiki gənclər başqa fikirdədirlər. Qarabağ adı gələndə, bəziləri sanki belə olmalıymış kimi, çox soyuqqanlılıq göstərir. Hətta Qarabağ adı gələndə gülümsəyənlər də olur.  Biz bir millət kimi birləşib düşmənə gücümüzü göstərsək, tezliklə qələbə çalarıq. Qələbə Azərbaycanın olmalıdır.

İbrahimov Sahil:

- Bu günü biz gözləyirikmi? Mən bir milyon qaçqın və köçkündən biri kimi öndə getməliyəm. O tikanlı məftilləri biz köksümüzlə yarıb keçməliyik, minalara biz qaçqınlar düşməliyik, ilk güllələr bizə dəyməlidir. Biz şəhid olmalıyıq ki, yurdumuz  azad olsun. Qarabağ uğrunda döyüşə hazıram.

Məmmədov İbrahim:

- Məmnuniyyətlə döyüşə gedərəm. Özü də bütün əli silah tutan qohum-əqrabamla birlikdə. Ermənilər hər zaman bizdən qorxublar. İndi də qorxurlar, amma biruzə vermək istəmirlər. İndiki müxalifətimizdə də, iqtidarımızda da Qarabağ məsələsinə laqeyd münasibət göstərənlər var. Mən hər iki tərəfdən narazıyam. Qarabağ bizi gözləyir.  O torpaqları biz azad etməsək, heç kim bunu etməyəcək. Gücümüzü birləşdirib hücuma keçməliyik.

İsmayılov Tacir:

- Bu döyüşdə hər birimiz iştirak etməliyik. Düşməndən bütün faciələrimizin qisasını almalıyıq. Xocalının qisasını almaq hamımızın borcudur. Yoxsa şəhidlərimizin ruhu bizi heç zaman bağışlamaz. Sülh danışıqlarının artıq limiti bitib.

İbrahimov Qismət:

- Döyüş alnımıza yazılıb.

Novruzov Gündüz:

- Torpaqlarımızın azadlığı uğrunda canımdan da keçərəm. Ana-bacılarımızın namusunu tapdalamış düşmən məhv olmalıdır. Etiraf etməliyik ki, bizi qorxaq kimi tanıyırlar. Biz qorxaq deyilik. Tarixə hər zaman qəhrəman xalq kimi düşmüş bir millətə, bu heç də yaraşmır. Gəlin bu ləkəni alnımızdan silməyə çalışaq.

Hacıyev Anar:

- Mən müharibənin başlanmasını həqiqətən eşitmək istərdim. Nəyi gözlədiyimizi başa düşmürəm. Düşmənə gücümüzü nə vaxt göstərəcəyik? Ali Baş Komandan əmr verməlidir və biz hamımız döyüşə getməliyik. Çox geciksək, öz cəzamızdı, ölməliyik. Təki müqəddəs Qarabağ torpağı azad olsun. Beynəlxalq təşkilatlara ümid bəsləmək absurddur. Hamılıqla ya Şəhid olmalıyıq, ya da Qazi…

Nağıyev Fariz:

- Torpaqlarımızın azadlığı uğrunda döyüşdə iştirak etməkdən şərəf hissi duyardım. Allah qismət etsin.

Süleymanov Rəşad:

- Döyüşə hər zaman hazıram.

Hazırladı: Xəyyam

◄ 1 ... 9 10 11 ... 16 ► ₪