"Azad Avropa" fondunun təklifləri və yaxud Sizif əməyi

"Azad Avropa" fondunun təşkilatçılığı ilə Soçidə keçirilən "Qara dəniz - Qafqaz regionunda stabillik modelləri" elmi-praktiki konfransı başa çatmış və müzakirələrin nəticəsi olaraq yekun kommunike qəbul edilmişdir.

Elmi-praktiki konfransın iştirakçılarının gəldiyi ümumi mövqe ondan ibarətdir ki, regionda bütün etnik və siyasi münaqişələr yalnız sülh danışıqları yolu ilə nizama salınmalı, demokratiya və legitimlik prinsipləri əsas  götürülməli, millətlərin hüquq və azadlıqlarına hörmətlə yanaşılmalıdır.

Konfrans iştirakçıları, çox təəssüf ki, başa düşmək istəmirlər ki: 1) Ermənistan 16 ildir ki, Azərbaycana qarşı danışıqlar yolu ilə deyil, təcavüz, güc və silah mövqeyindən hərəkət edir; 2) işğalçı Ermənistan Azərbaycanın ərazisində qeyri-legitim, oyuncaq qurum yaratmışdır;  3) işğalçı Ermənistan tərəfindən 100 minlərlə azərbaycanlının hüquq və azadlıqları pozulmuşdur.

Kommunikedə Kosovanın statusunun müəyyən edilməsi perspektivi postsovet  məkanındakı tanınmayan qurumlar üçün universal həll modeli kimi nəzərdən keçirilir. Tamamilə yanlış mövqedir. Kosovo modelinin özünün də ətrafında hələ geniş müzakirələr aparılır, əksəriyətin fikrinin eyni olmasına baxmayaraq, nəticənin necə olacağı məlum deyil. Dəfələrlə müxtəlif səviyyələrdə, o cümlədən, Kosovo prosesinin iştirakçıları tərəfindən bildirilmişdir ki, bu modelin digər münaqişələrlə bağlı tətbiqi mümkün deyil. Kommünikedə görünən mövqe bu günə qədər Rusiya rəhbərləri tərəfindən ortaya atılmışdı. Görünür, Soçidə Rusiya nümayəndələrinin çoxluq təşkil etməsi belə bir tezisin yekun sənədinə düşməsinə səbəb olmuşdur. Ermənistanın işğalı nəticəsində yaranmış "Dağlıq Qarabağ münaqişəsi"nin dünyada analoqu  yoxdur, ona görə də hər hansı  universal modelin tətbiqindən söhbət gedə bilməz.

Konfrans iştirakçıları həmçinin bir sıra "obyektiv reallıqların" nəzərə alınmasını tövsiyə edirlər. Bu tövsiyyələr "Azad Avropa" deyilən fondun adından verilsə də, birmənalı şəkildə regionda xüsusi ambisiyaları olan Rusiyanın və onun farvaterində sürünərək  nə isə əldə etmək istəyən Ermənistanın maraqlarına uyğundur. Bu tövsiyyələrdən birində bildirilir ki, "güc tətbiqi, həmçinin onun nümayiş etdirilməsi və yaxud hədələmək yolverilməzdir". Prinsip etibarı ilə, sənəd müəllifləri yeni bir şey demirlər, bu mövqe beynəlxalq təşkilatların bütün qətnamə və qərarlarında vurğulanır. Sadəcə, onun burada təkrarlanması başqa məna daşıyır və işğalçı Ermənistana qarşı hər hansı güc tətbiqi perspektivinə imkan verilməməsinə yönəlmişdir. Bu tezisdən çıxış edən sənəd müəllifləri Azərbaycanın torpaqlarını zorla zəbt etmiş Ermənistanın hərəkətlərinə heç bir münasibət bildirməməklə ən azından qeyri-səmimi mövqe  tuturlar. Konfrans iştirakçılarını anlamında başqa bir "reallıq" ondan ibarətdir ki, "dövlətlərin ərazi bütövlüyü hüququ ilə millətlərin öz müqədərratını təyin etməsi hüququ arasında düşünülmüş balans gözlənilməlidir". Müəlliflər yenə də arxaizmə yuvarlanaraq, öz müqəddəratını təyinetmə hüququnu milli azlıqlara aid etməyə çalışırlar. Bu tezisə əlavə şərh verməyə ehtiyac yoxdur. Çünki BMT, Avropa İttifaqı, Avropa Şurasının sənədlərində, dünya dövlətlərinin imzaladığı beynəlxalq normativ aktlarda aydın şəkildə bildirilmişdir, hər hansı ölkənin ərazisində yaşayan milli azlıqlara millətlərin öz müqəddəratını təyinetmə  hüququnun heç bir aidiyyati yoxdur.

Qəribədir, bu qədər xərc çəkir, konfranslar keçirir və başqa işləri görürlər, hər dəfə də yanlış tezisləri ortaya çıxarır, ictimai rəyə yeritməyə çalışırlar. Hər halda, Sizif əməyi olsa da, çalışırlar, görünür, nəticəyə ümid edirlər. Amma məncə, əbəs yerə...

Onu da qeyd edək ki, bu konfransda qondarma "DQR"-in də nümayəndələri iştirak ediblər. Onların dəvət olunmasına etiraz edən azərbaycanlı mütəxəssislər konfransa getməkdən imtina ediblər.

Akif Nağı

Əks-səda

Soydaşlarımız dünyanın müxtəlif yerlərində internet vasitəsilə qəzetimizi izləyir və fikirlərini bizə yazırlar. Onların yazdıqlarından bəzi hissələri oxcularımızın diqqətinə çatdırırıq.

Arzu Əlizadə - Moskva şəhəri

- Hörmətli Akif qardaş! Biz sözdən işə keçməliyik. Ancaq başa düşürəm ki, çox çətinliklərlə qarşılaşırsınız. Aramızda şərəfsiz insanlar çoxdur.  Biz əvvəlcə onları aramızdan ifşa edib çıxarmalı və sonra silaha sarılıb, son nəfəsimizədək döyüşərək bütün Qarabağ-Zəngəzur torpaqlarımızı geri qaytarmalıyıq.  Mən hər zaman Sizdən çağırış gözləyirəm. Mənim üçün bir əziz şey var - Vətən, Anam və mənim mənliyim. Mən bunlar üçün hər zaman ölümə hazıram. Üç övladım var, üçü də qızdır. Əgər mənim övladlarım vətən uğrunda ölsələr, bununla fəxr edərəm. Hamı öz balasını canından artıq istəyir, ancaq Vətən hər şeydən üstün olmalıdır. Bunu hər bir azərbaycanlı bilməli və belə düşünməlidir. İnanın mənə, hamımız bir nəfər kimi bir olsaq və Sizlərin ətrafında sıx birləşsək, bütün dünyanı lərzəyə gətirərik. Akif qardaşım, siz doğru söyləyirsiniz, "Biz doğulandan ölümə doğru gedirik". Vətən uğrunda əlində silah ölmək, ən şərəfli ölümdür. Mən istəməzdim ki, xəstəliklə qocalıb bu dünyadan köçüm. Vətən uğrunda şəhid olmaq mənim yeganə arzumdur. 40 yaşım var, hələ ki, əlim silah tuta bilər. Və bizim kimiləri, inanıram ki,  çoxdur.  Biz partizan olmaq istəyirik.

Şirazi İsmayılov (hansı ölkədən olduğunu yazmayıb)

- Əvvəl elə bilirdim ki, Azərbaycanda vətənpərvər gənc yoxdur. Olsa da, barmaqla sayıla bilər. Lakin "Azad Qarabağ" qəzeti  işıq üzü görəndən sonra, bu qəzetdən oxuduğum xəbərlər məni bu fikrimdən uzaqlaşdırdı. Mən Azərbaycan vətəndaşı olaraq, bu torpağı qorumağa borcluyam və Azərbaycanın başucalığı naminə istənilən yola əl atmağa hazıram. Mən müharibəni dəstəkləyirəm. Artıq səbr kasam dolub. Ermənilərin məhv edilməsi üçün istənilən terroru etməyə hazıram. Bilsəm belə bir terror təşkilatı var, nəyin bahasına olursa-olsun, həmən gedib orada təlim keçərəm. Erməni vəhşidirsə, biz də vəhşi olmalıyıq, qəddardırsa, biz də qəddar olmalıyıq.  Təbii ki, yalnız onlara  qarşı. O zaman onlar bizi başa düşəcək və Oğuz türkünün tərs üzünü görəcəklər. Gec də olsa, o tərs üzü onlara göstərməliyik.

Müşfiq - Hollandiya

- Salam  hörmətli redaksiya! Sizlərə işinizdə uğurlar arzulayıram. Bəli, çox çətin iş durub qarşımızda. Ancaq inşallah biz məqsədimizə nail olacağıq. Təbii ki, dualarla iş bitməz, konkret işlər görmək lazımdır. Mən Hollandiyada yaşayıram. Əgər sizin burada bir təşkilatınız varsa, mən oraya üzv olmaq istərdim. Sizə bir daha uğurlar arzulayıram. Yaşasın Bütöv Azərbaycan! Allahu-Əkbər!

İgid  - Estoniya

- "Azad Qarabağ" qəzetinin hörmətli redaktorları və əməkdaşları!

Mən Estoniyada yaşayan azərbaycanlı olaraq Sizləri dəstəkləyirəm. Allahın köməkliyi və biz bəndələrin təpəri ilə çalışıb qayıtmalıyıq doğma Qarabağımıza.

İnşallah!

Atəşkəs döyüşləri

Martın 22-də axşam saat 17.00 radələrində Tərtər istiqamətində yenidən atəşkəs pozulub. Həmin gün Ermənistan silahlı qüvvələri Tərtərin işğal olunmuş Berabert kəndindən ordumuzun üzbəüz mövqelərini atəşə tutub. Nəticədə Milli Ordunun əsgəri Səfər Zahil oğlu Möhürov aldığı güllə yarasından şəhid olub.

Ermənistan silahlı qüvvələri martın 23-də saat 12.30 radələrində işğal etdikləri Ağdam rayonunun Yusifcanlı kəndi ərazisindən Əfətli kəndinin  əkin sahəsində təsərrüfat işləri ilə məşğul olan 1983-cü il təvəllüdlü Hüseynov Anar Akif oğlunu atəşə tutublar, nəticədə kənd sakini qarın nahiyyəsindən  güllə yarası alıb. Hazırda onun vəziyyətinin ağır olduğu bildirilir.

Martın 23-də Ermənistan silahlı qüvvələri cəbhənin bir neçə istiqamətində atəşkəsi pozublar. Həmin gün Ermənistan silahlı qüvvələrinin bölmələri saat 18.20-dən 18.25-dək Qazax rayonunun Məzəmli kəndinin 0,4 km cənubunda yerləşən mövqelərindən Azərbaycan Silahlı Qüvvələrinin üzbəüz mövqelərini və Məzəmli kəndini, saat 19.50-dən 20.00-dək Qazax rayonunun Aşağı Əskipara kəndinin 0,5 km cənubunda və işğal olunmuş  Boqanis Ayrım kəndinin 0,3 km cənub-şərqində yerləşən mövqelərindən Azərbaycan Silahlı Qüvvələrinin üzbəüz mövqelərini, saat 21.30-dan 21.55-dək Tərtər rayonunun Çaylı kəndinin 0,8 km cənub-qərbində yerləşən mövqelərindən Azərbaycan Silahlı Qüvvələrinin üzbəüz mövqelərini,  saat 22.10-da Tərtər rayonunun Qarmiravan kəndiinn 4 km cənub-qərbində yerləşən mövqelərindən Azərbaycan Silahlı Qüvvələrinin üzbəüz mövqelərini avtomatlardan və pulemyotlardan atəşə tutub. Cavab atəşi ilə düşmən susdurulub. İtki yoxdur.

Martın 24-də saat 23.15 radələrində Ermənistan silahlı qüvvələri İcevan rayonu istiqamətindəki mövqelərindən, Silahlı Qüvvələrimizin Qazax rayonu istiqamətindəki mövqelərini avtomat və pulemyotlardan atəşə tutub. Cavab atəşi ilə düşmən susdurulub. İtki yoxdur.

Ermənistan Silahlı Qüvvələri Ağdam rayonunun işğal olmuş Şıxlar kəndindəki mövqelərindən Silahlı Qüvvələrimizin üzbəüz mövqelərini atəşə tutub. Cavab atəşi ilə düşmən susdurulub. İtki yoxdur.

Ermənistan silahlı qüvvələrinin bölmələri martın 26-da saat 15.15-dən 19.35-dək Qazax rayonunun Məzəmli kəndinin yaxınlığındakı mövqelərindən Azərbaycan Silahlı Qüvvələrinin üzbəüz mövqelərini və Məzəmli kəndini ara-sıra, saat 23.20-dən 23.30-dək İcevan rayonunun  Vazaşen kəndinin 2,2 km şimal-şərqindəki mövqelərindən Azərbaycan Silahlı Qüvvələrinin Qazax rayonunun ərazisindəki adsız yüksəklikdə yerləşən mövqelərini, saat 22.40-dan 23.30-dək Berd rayonunun Ayqezor kəndinin 2,7 km və Laqzival dağının 1,7 km cənub-şərqindəki mövqelərindən Azərbaycan Silahlı Qüvvələrinin Tovuz rayonunun Muncuqlu və Qaralar kəndləri yaxınlığındakı mövqelərini atıcı silahlardan atəşə tutub. Düşmən cavab  atəşi ilə susdurulub. İtki yoxdur.

Martın 27-də Ermənistan silahlı qüvvələrinin bölmələri saat 16.00-dan 16.05-dək Qazax rayonunun Məzəm kəndinin yaxınlığında yerləşən mövqelərindən Məzəm kəndini atıcı silahlardan atəşə tutub. Cavab atəşi ilə  düşmən susdurulub, itki yoxdur.

Martın 28-də ermənistan silahlı qüvvələrinin bölmələri Cəbrayıl rayonunun Cocuq Mərcanlı kəndindəki mövqelərimizi saat 23.10-dan 23.40-dək atəşə tutub. Cavab atəşi ilə düşmən susdurulub. İtki yoxdur.

Martın 29-da Ermənistan silahlı qüvvələri saat 04.00-dan 05.00-dək Tərtər rayonunun Cerabert kəndindən Azərbaycan ordusunun üzbəüz mövqelərini atəşə tutub. Cavab atəşi ilə düşmən susdurulub, itki yoxdur.

Martın 29-da saat 20.35-dən 20.50-dək Ernmənistan Silahlı Qüvvələrinin bölmələri Tərtər rayonunun Göyax kəndindən ordumuzun üzbəüz mövqelərini atəşə tutub. Cavab atəşi ilə düşmən susdurulub. İtki yoxdur.

Xəyyam

Elan

Qarabağ Azadlıq Təşkilatının təşəbbüsü ilə Bakı şəhərində 2006-cı il may ayının 23-də işğal olunmuş ərazilərdə tarix və mədəniyyət abidələrinin vəziyyətinə həsr olunmuş "Qarabağ dünən, bu gün və sabah" mövzusunda V elmi-praktiki konfrans keçiriləcək. Konfransda Qarabağın tarixi, mədəniyyəti, Azərbaycan-Ermənistan münaqişəsinin siyasi, iqtisadi, hüquqi, hərbi aspektləri, həlli yolları, qaçqın və didərginlərin hüquqlarının müdafiəsi və s. məsələlər müzakirə olunacaq.

Məruzə etmək istəyənlər aprel ayının 15-dək çıxışların tezislərini təqdim etməlidirlər. Tezislərin mətni Times Roman AzLat şriftləri ilə 2 (iki) intervalla, 5 səhifədən artıq olmamaq şərti ilə yığılmalıdır. İmkan dairəsində mətnin elektron versiyasını disketə yazmaqla Təşkilat Komitəsinə və yaxud kila51az@yahoo.com,azad_qarabağ@yahoo.com elektron poçt ünvanlarına təqdim etməyinizi xahiş edirik. Tezislərin nəşr olunması və internet saytında yerləşdirilməsi nəzərdə tutulub.

Əlaqə telefonları:  510-22-39;  510-22-08,  050315-22-78

Təşkilat Komitəsi

◄ 1 2 3 4 ... 16 ► ₪