MƏMLƏKƏT

“Buna hansi Azərbaycan oğlu dözər?”

Sizlərə haqqında danışacağım növbəti partizan Yaşar Əsgər oğlu Məmmədovdur. Yaşar haqqında onun bacısı Ramidə xanımın söylədikləri əsasında yazıram.

Y.Məmmədov 1974-cü ildə Bakıda doğulub. Ailədə iki bacı, iki qardaşdırlar. 135 saylı orta məktəbi bitirən Yaşar, məktəbdə yaxşı oxusa da, ali təhsil almağa həvəs göstərməyib. Bərbərlik sənətini öyrənərək həbs olunana qədər elə bu işdə çalışıb. O, həm də rəssamlığa həvəs göstərib hərdən gözəl şəkillər çəkərdi. Elə Qarabağda aparacaqları partizan müharibəsinin xəritəsini də Yaşar çəkmişdi. Atası Əsgər kişi idman müəllimi idi. O, gəncliyində güləşlə məşğul olub, bu sahədə müəyyən uğurlar qazanmışdı. 

• Əsir və girovların axtarışı ilə əlaqədar layihə geri qaytarılıb

GÜNDƏM

"Azad Avropa" fondunun təklifləri
və yaxud Sizif əməyi

"Azad Avropa" fondunun təşkilatçılığı ilə Soçidə keçirilən "Qara dəniz - Qafqaz regionunda stabillik modelləri" elmi-praktiki konfransı başa çatmış və müzakirələrin nəticəsi olaraq yekun kommunike qəbul edilmişdir.

Elmi-praktiki konfransın iştirakçılarının gəldiyi ümumi mövqe ondan ibarətdir ki, regionda bütün etnik və siyasi münaqişələr yalnız sülh danışıqları yolu ilə nizama salınmalı, demokratiya və legitimlik prinsipləri əsas  götürülməli, millətlərin hüquq və azadlıqlarına hörmətlə yanaşılmalıdır.

Konfrans iştirakçıları, çox təəssüf ki, başa düşmək istəmirlər ki: 1) Ermənistan 16 ildir ki, Azərbaycana qarşı danışıqlar yolu ilə deyil, təcavüz, güc və silah mövqeyindən hərəkət edir; 2) işğalçı Ermənistan Azərbaycanın ərazisində qeyri-legitim, oyuncaq qurum yaratmışdır;  3) işğalçı Ermənistan tərəfindən 100 minlərlə azərbaycanlının hüquq və azadlıqları pozulmuşdur.

• Əks-səda

• Atəşkəs döyüşləri

• Elan

AKTUAL ( 4-cü seh )

  QAT-ın Budapeşt şəhər məhkəməsinə Müraciəti

Qarabağ Azadlıq Təşkilatının Sədri
Akif Nağının imzaladığı müraciətdə bildirilir:

Azərbaycan ordusunun zabiti Ramil Səfərovun işi ilə bağlı qərar qəbul etmək, hökm çıxarmaq ərəfəsindəsiniz. Bu adi məhkəmə işi deyil və bu işə adi yanaşmaq olmaz. Ramil Səfərovla bağlı çıxaracağınız ədalətli qərarı Azərbaycan xalqı səbirsizliklə gözləyir. Bu ərəfədə bir sıra faktları diqqətinizə çatdırmaq istəyirik.

 1.Xeyli vaxtdır ki, Ermənistandan Ramil Səfərova, bütövlükdə, Azərbaycan xalqına qarşı düşmənçilik, eybəcər millətçilik təbliğatı aparılır. Bu günlərdə Ermənistanın hakimiyyətə yaxın partiyalarından birinin rəhbəri Tiqran Urixanyan Ramil Səfərovu öldürəcək şəxsə 125 min dollar vəd etmişdir. Ermənistan mətbuatında başqa bir fakt da açıqlanmışdır. Məlum olmuşdur ki, bu ölkənin məktəblərində, konkret olaraq, İrəvanın 61 saylı məktəbində şagirdlər hərbi hazırlıq dərslərində müəllimlərinin rəhbə  rliyi altında güllə atmaq üçün Ramil Səfərovun şəkillərindən istifadə edirlər. Belə bir düşmənçilik mühitindən çıxmış Qurgen Marqaryan Ramil Səfərovu qanlı olaya əl atmağa məcbur etmişdir.

• Novruz soyqırımı: Türklərin qanını içdikcə, doymayan ermənilər

• 2 aprel - daha bir rayonumuzun qanlı işğal tarixi

AKTUAL  ( 5-ci seh )

 Qabil Hüseynli: Atəşkəsin tez-tez pozulmasını provakasiya kimi səciyyələndirirəm 

- Rambuye görüşündən sonra atəşkəsin tez-tez pozulması  müşahidə olunur. Sizcə, bu təsadüfdürmü?

- Atəşkəsin tez-tez pozulmasını provakasiya kimi səciyyələndirirəm. Yəni, Rambuye görüşündən sonra Azərbaycan tərəfindən səslənən, sülh danışıqları bitərsə, biz torpaqlarımızı hərb yolu ilə geri alarıq, kimi şüarlar görünür. Bu, ermənilər tərəfindən qıcıqla qarşılanır, onlar sanki əzələ nümayiş etdirmək istəyirlər. Amma bunun təkcə ermənilərin beyninin məhsulu olduğu qənaətində deyiləm. Qarabağ probleminin  həlli yolunda başlıca maneə Rusiya tərəfinin tutduğu qeyri-konstruktiv mövqedir. Həm Rambuye, həm də İstanbul görüşlərində Rusiya açıqca əngəl olacaq mövqe nümayiş etdirdi. Bütün bunlar onu göstərir ki, Ermənistan tamamilə Rusiyanın təsiri altındadır və bəzi məsələlərdə onun tövsiyələri ilə hərəkət edir.

• Din xadiminin həbsi narahatçılıq doğurur

• Qarabağa məktub

SOYDAŞLARIMIZ ( 6-cı seh )

Faxralı sakinləri:Biz bura gəlmə deyilik, Borçalı bizim tarixi vətənimizdir

Son vaxtlar istər mətbuatda, istərsə də televiziya kanallarında Gürcüstan azərbaycanlılarının problemlərinə çox toxunulur və bu haqda cəmiyyət arasında  müxtəlif, hətta bir qədər də şişirdilmiş informasiyalar yayılır. Gürcüstan azərbaycanlılarının Azərbaycana, eləcə də Rusiyanın ayrı-ayrı şəhərlərinə miqrasiyasının artması, onların problemlərinin getdikcə inkişaf edib, Ermənistan hadisələrinin orada da təkrar oluna biləcək ehtimalı Azərbaycan ictimaiyyətində bir narahatlıq doğurur. Bilirik ki, Gürcüstan azərbaycanlıları əsasən kompakt halda Borçalı mahalında yaşayırlar. Odur ki, bu problemlərin köklərini araşdırmaq, Gürcüstan azərbaycanlılarının yaşam tərzi ilə yaxından tanış olmaq məqsədilə Borçalıya yola düşdüm.  

• Biz bura gəlmə deyilik, Borçalı bizim tarixi vətənimizdir

GERÇƏK TARİX

Yuxarı Qarabağın yaşayış məntəqələri

Şuşa rayonu:

Allahqulular kəndinin əvvəlki adı Allahquluuşağı olmuşdur. Kənd Xəlfəli elatının Allahqulu nəsli tərəfindən salınmışdır.

Böyük Qaladərəsi kəndinin əvvəlki adı Köhnəkənd, sonralar Kirov olmuşdur. Toponimin tərkibindəki qala sözü Şuşa qalasına işarədir.

Çaykənd kəndi çay kənarında yerləşdiyinə görə belə adlanır. Türk dilindəki çay və kənd sözlərindən ibarətdir.

Daşaltı kəndi XVIII əsrdə Zəngəzurun Düzəbürd kəndindən gələn türk tayfaları tərəfindən salınmış, sonradan buraya erməni ailələri də köçürülmüşdür. Türk dilində daş, qaya altında yerləşən kənd mənasını verir.

• Qarabağ toponimi

DÜŞMƏN DÜŞƏRGƏSİNDƏ

Baş hərbi canilər

Ermənilərə dəm tutanlar

• Daud Xeyriyanın 2000-ci  ildə Beyrutda nəşr olunmuş "Xaç naminə" kitabından bir parça (səh. 26, 62-63)

• Erməni hiyləsi

• Yoxsul ermənilər

• Ermənilərin "Sumqayıt şousu"

• Cavaxetiyada erməni dilinə dövlət statusu tələb  edirlər

• Moskvadan erməni fitvası

• Qukasyan yenə də Moskvadadır

• Gülməli təklif

• Erməni müxalifəti Koçaryanın ittiham edir 

• Ermənilər Ramil Səfərovun başına pul qoyublar

• Erməni zabiti arvadını balta ilə doğrayıb

• Erməni keşişi Təbrizdən qaçıb

• N.Məmmədov erməni iddialarına cavab verir

DÖYÜŞ-DÖNÜŞ

Qarabağ uğrunda döyüşənlər çirkli siyasətin qurbanı oldular
(Əvvəli ötən sayımızda)

Bəlkə öldürdüyümüz ermənilərin qisasını alırlar bizlərdən? Qarabağ qazisinə "surətçi" damğası vurub, həbs etdirən insanın ağlının olmasına şübhə edirəm. Bu rejimin öz qəhrəmanları var. 200 nəfərin üstünə 1000 nəfərlə hücum edib, təslim olan insanları güllələməklə qiyam yatırdan Rövşən Əkbərovdan nə general, nə də milli qəhrəman olardı.  O, Əliyev tayfasının qəhrəmanı idi. 125 şəhidi, 250-dən çox qazisi olan qurtuluş batalyonunun komandirini evsiz qoyub, bulvarda yatmağa məcbur edən iqtidardan Qarabağ sevgisi ummaq, eşşəkdən cüməaxşamı soruşmağa bərabərdir. Mən heç vaxt problemlərimi qabartmağa cəhd etməmişəm. Sadəcə, bu rejimin iç üzünü açmaq üçün, bunları deməyə məcburam. Köhnə döyüşçülərə və onların ailələrinə, yaxınlarına belə münasibət göstərən mövcud iqtidarla kimin müharibəyə gedəcəyi çox maraqlıdır. Düzdür, torpaq iqtidara yox, xalqın özünə məxsusdur.  Amma mənim sualım barədə də düşünməyə dəyər. Biz 7 ay bir qəpik belə almadan vuruşduq. Maaş barədə düşünməyi belə ağlımıza da gətirmədik. Kimsə bizim qanımızın üstündən keçərək hakimiyyətə gəlib, bizi vətəndən didərgin salıbsa, əlavə şərhə ehtiyac da yoxdur.  

MÜNASİBƏT

Yalan yeriməz

Qarabağ Azadlıq Təşkilatı bütün dünya türklərinin yaratmış olduğu qurumlar içərisində hər bir türk övladının iştirakı vacib olan bir təşkilatdır.

Hakimiyyətdəkilərdən yalnız bir şeyi - işğal olunmuş torpaqlarımızı azad etmək uğrunda mübarizə aparmalarını istərdik. Zaman-zaman torpaqlarımız işğal olunaraq yağmalanıb. Bunun qarşısını bizlər - torpağını sevən vətəndaşlar almalı və torpaqlarımızı işğaldan azad etməliyik. 20-ci yüzillik Azərbaycanımızın qara xətlə yazılmış səhifəsi, əsrin sonu isə müstəqilliyimizin, tariximizin ən önəmli səhifəsi kimi millətimizin yaddaşına əbədi həkk olunacaqdır

• Sorğu

• Sabah müharibə başlayarsa...

DÖYÜŞ YOLU

Murovdağ əməliyyatı

İki yüz il öncə general Suvorov Karpat dağlarını keçdi. Elə o zamandan başlayaraq, ruslar Suvorovun bu nailiyyətini tarixə yazdılar. Hətta bunu əsarətdə saxladıqları xalqların yaddaşına belə həkk etməyə nail oldular.

On iki il öncə  yaxşı xatırladığımız ikinci Kəlbəcər əməliyyatında isə Azərbaycan hərbçiləri Kiçik Qafqazda "suvorovçuluq" edib 3395 metr yüksəklikdə, keçilməz və  əlverişsiz dağlarda döyüş apararaq düşməni məğlub etməyə nail oldular. Amma təəssüflər olsun ki, indiyədək Murovdağ döyüşləri ən qorxunc və vahiməli bir hadisə kimi xatırlanmaqdadır. Bu yer və baş verən döyüşlərlə bağlı uydurulmuş şayiələr isə yalnız insanların "gözünü qırmaq" məqsədi güdür.

Ancaq unutmayaq ki, Murov eyni zamanda Azərbaycan ordusunun sınaq meydanı olub  

• Rino Harnişin fikrincə, münaqişə bu il həllini tapmasa, müharibə başlaya bilər

TARİXİ CİNAYƏTLƏR

Kemp-Devidin əks-sədası

Ənvər Sədat çox az siyasətçilərə xas olan xüsusiyyətlərə malik idi.  O, cəsarətlə öz üzərinə riskli vəzifələri götürür və onların yerinə yetirilməsinə nail olurdu.

Ənvər Sədat Menahem Beqinlə birlikdə Nobel sülh mükafatını aldı. Bu mükafat onun üçün ölüm hökmü oldu.

Gələcək Misir prezidenti 1918-ci ildə anadan olmuş və hərbi təhsil almışdı. O, ikinci dünya müharibəsindən sonra milli-azadlıq hərəkatına başçılıq edən gənc zabitlər qrupuna daxil oldu. Həmin vaxt milli-azadlıq hərəkatı monarxiya quruluşuna qarşı yönəlmişdi. 1952-ci il iyulun 23-də "Azad zabitlər" təşkilatı başda olmaqla ordu dövlət çevrilişi etdi, kral Fərrux devrildi.

Əbdül Nasirin hakimiyyəti dövründə Sədat Misir hökumətində həlledici postlarda olmuş, 1973-cü ildə onun ölümündən sonra isə dövlətə rəhbərlik etməyə başlamışdır. Yeni prezident radikal dəyişikliklər xətti elan etdi. O, ölkənin Sovet İttifaqından hərbi və maliyyə asılılığını xeyli azaltdı və nəzərlərini daha çox onun strateji rəqibinə - Amerika Birləşmiş Ştatlarına tərəf yönəltdi. Ənvər Sədat Sələfinin İsrailə qarşı barışmaz siyasətini davam etdirir, işğal altında olan torpaqları geri qaytarmağa çalışırdı. İsrail 1967-ci ildə "altı günlük müharibə" zamanı Sinay yarımadasının böyük hissəsini zəbt etmişdi. 1973-cü ilin oktyabrında Misir qoşunları Süveyş kanalından keçərək İsrailin işğal etdiyi ərazilərdə hərbi əməliyyatlara başladılar  

İCTİMAİ QINAQ

• Səslər - Oyunlar – Simalar

• Bu ölkənin iqtidarı da, müxalifəti də...

• Əbülfəz Qarayev Xocalı soyqırımını ziyafətlə yad edib

• Ehtiyac qul edir jurnalisti də

• Elmar Məmmədyarov bir daha öz yerində olmadığını göstərdi

• Sibel Canın erməni məhəbbəti

QARA LÖVHƏ
Vətən qarşısında üzü qara olanlar
?	?

VƏTƏNİ SEVMƏK İMANDANDIR

İslamda terrora münasibət

Bütün zamanlarda insan cəmiyyətinin ən böyük çətinliyi nahaq yerə tökülən qanların qarşısını ala bilməməsi olmuşdur. Daima insanların gözlərini yaşlı, əllərini bağlı, qəlblərini dağlı qoyan bu hadisələrə indi biz terror deyib mövcud olan bütün insan cəmiyyətini onunla mübarizəyə səsləyirik. Dəhşətli budur ki, yer üzünün yeganə ağıllı varlığı olan insan bu qədər günahsız qanları özünün şəxsi bəlkə də heç kimə lazım olmayan məqsədləri üçün axıdır və cəmiyyəti fəlakət girdabına sürükləyir.

Təbii olaraq bu gün minlərlə insanı haqsız yerə gözüyaşlı  qoyan bu hadisələri heç bir normal cəmiyyət,  milli və dini ideologiya qəbul etmir. Bununla yanaşı zamanımızın bəzi qəriblikləri ilə də üz-üzə qalırıq. Bu da ondan ibarətdir ki, kainatın xilası üçün göndərilən, insanlara mənəviyyat, mədəniyyət, əxlaq öyrədib, onları mütləq kamilliyə səsləyən İslam dininin adı indi terrorla qoşa çəkilir. İslam terrorizmi, islamçılar və s. kimi ifadələr artıq hamıya tanışdır  

• Hədislərdən seçmələr

• Cihad

15-ci səhifə

Kimin sözü daha məntiqlidir?

Bəlkə də adi iş günlərindən biri olacaqdı bu gün,  əgər qəfil telefon zəngi Şəhid ruhlarının etirazını "Azad Qarabağ" vasitəsi ilə millətinə çatdırdığıma görə, sakit olan ürəyimi yeni ittiham qarşısında qoymasaydı. Yazının altında  mənim imzam qoyulsa da, əslində o, şəhid ruhlarının qazilərin bugünkü vəziyyətinə etirazı idi. Sözlərimə şübhə edənlər bir gecə Şəhidlər Xiyabanını ziyarət etsələr,  dediklərimi təsdiq edərlər. Dəfn olunduğu ərazini əyləncə mərkəzinə çevirən bir millətin şəhidi, dilənən qazi taleyini onlara yaşatmadığına görə hər axşam şükr edir öz taleyinə və etiraz edir qazilərin bu gününə.

Zəng edən qardaşımın iradlarına hörmətlə yanaşsam da, etmədiyim səhvə görə təkzib vermək fikrindən uzağam. Nəyi təkzib etməliyəm və niyə təkzib etməliyəm?  

• İradə İbrahimova Daxili Qoşun hissələrində verdiyi konsertləri davam etdirmək fikrindədir

• Eşitsin cahan

• Allah rəhmət eləsin

• Müsabiqə

ERMƏNİ TERRORU

Zəngəzurda ermənilər yüzlərlə Azərbaycan tarixi abidəsini məhv edib

Ermənistanın Azərbaycana olan uydurma torpaq iddiaları heç bir tarixi mənbəyə söykənmədiyindən, rəsmi Yerevanın mövqeyi daha çox  cığal uşağın hərəkətlərinə bənzəyir. Erməni alimlərinin "tarixi sübutları" əsasında yazılan əsərlər ancaq Ermənistanın dövlət səviyyəsində yeritdiyi işğalçılıq siyasətinin tərkib hissəsi kimi qiymətləndirilməlidir. Ermənipərəst beynəlxalq təşkilatlar isə bu cür "tarixi sübut"ları əllərində bayraq tutaraq,  məkrli siyasətlərini yeridirlər. Azərbaycan alimləri yüksək elmi səviyyədə, çoxsaylı  epiqrafik, orta əsr, arxiv mənbələrinə əsəlanaraq sübut ediblər ki, Cənubi Qafqazda tarixən heç bir erməni siyasi qurumu mövcud olmayıb. Sənədlərin analizi Cənubi qafqazın yeni tarixi konsepsiyasının işlənməsinə gətirir və Azərbaycan tarixinin sovet rus və erməni tarixçiləri tərəfindən saxtalaşdırıldığını sübut edir. Ermənilər üçün ilk dövləti bu regionda Sovet Rusiyası və Antanta dövlətləri 1920-ci ildə Qərbi Azərbaycan torpaqlarında yaradıblar. Sovet İttifaqı dövründə  azərbaycanlıların bu torpaqlardan sıxışdırılıb çıxarılması ilə yanaşı onlara məxsus olan maddi-mədəniyyət abidələri dağıdılıb, yer adları erməniləşdirilib. 1988-ci ildən sonra kütləvi terrora məruz qalan azərbaycanlılar bu əraziləri tərk etməyə məcbur olublar və bundan sonra bu ərazidə qalan azərbaycanlılara məxsus olan maddi-mədəniyyət abidələri ermənilər tərəfindən dağıntılara, məhvə məhkum olunub

QISAS

Soyqırım və Kəlbəcər şəhidlərinin ruhları  qisasa çağırır!

BAŞ SƏHİFƏDƏ

Novruz  soyqırımı:
 Türklərin qanını içdikcə,          doymayan ermənilər  

Aydın Mirzəzadə - Milli Məclisin Təhlükəsizlik və Müdafiə Məsələləri Daimi Komissiyasının sədr müavini

- Ermənistana və işğal olunmuş torpaqlarımıza vətəndaşlarımızın, o cümlədən ictimai fəaliyyətlə məşğul olanların gedib-gəlməsi bu gün heç də uğurlu addım deyil.

Fazil Qəzənfəroğlu - Millət vəkili, Böyük Quruluş partiyasının sədri
- Mən formal olaraq, Qarabağ fraksiyasının yaradılmasının əleyhinəyəm.  Bu farksiya adına layiq olmalıdır. Bu isə indiki şəraitdə mümkün deyil.

Nejat Eslen - general-mayor, Türkiyə Qlobal Strateji Araşdırmalar Mərkəzinin üzvü

- Azərbaycan müharibəyə başlasa, nə ABŞ,  nə də Avropa Birliyi buna qarşı çıxacaq. Hazırda Qarabağ münaqişəsini həll etmək üçün ən əlverişli fürsət yaranıb. Biz Qarabağ savaşını  qazanmalıyıq