Qarabağ Azadlıq Təşkilatının 2006-cı ildə fəaliyyəti
(tədbirlər, aksiyalar, çıxışlar, bəyanatlar)

2 yanvar - Rəy sorğusunun nəticələri ilə bağlı ANS telekanalına müsahibə verildi.

3 yanvar - Bakı şəhəri Dərnəgül qəsəbəsində qaçqınlarla görüş keçirildi. Qarabağ Azadlıq Təşkilatının yerli şöbəsi yaradıldı.

4 yanvar - Bakı şəhəri Yasamal rayonunda qaçqınlarla görüş keçirildi, Qarabağ Azadlıq Təşkilatının yerli şöbəsi yaradıldı.

5 yanvar - Milli Qəhrəman Şirin Mirzəliyevin xatirəsi ilə bağlı Şəhidlər Xiyabanında anım mərasimi keçirildi.

5 yanvar - Beynəxalq Təşkilatların anti- Azərbaycan mövqeyi ilə bağlı bəyanat verildi.

5 yanvar - Bakı şəhəri Dərnəgül qəsəbəsində qaçqınlarla görüş keçirildi.

7 yanvar – Bakı şəhəri Dərnəgül qəsəbəsində qaçqınların iştirakı ilə geniş toplantı keçirildi.

8 yanvar – BDU-nun yataqxanasında qaçqınlarla görüş keçirildi.

8 yanvar – Qarabağla bağlı hazırkı vəziyyətə dair aparıcı partiya sədrləri ilə görüşlər keçirildi.

9 yanvar – QAT Mərkəzi Qərargahında qaçqınların nümayəndələri ilə görüş keçirildi.

12 yanvar - ANS ÇM radiosunda Akif Nağı iqtidar nümayəndəsi, MM-in üzvü Aydın Mirzəzadə ilə 1 saatlıq canlı efirdə çıxış etdi.

12 yanvar – Yasamalda Texniki Universitetin yataqxanasında qaçqınlarla görüş keçirildi.

18 yanvar – “Qarabağla bağlı təhlükəli planlar və qarşısını alma yolları” mövzusunda Dəyirmi Masa keçirildi. Dəyirmi Masada bəyanat qəbul edildi və tədbirlər planı razılaşdırıldı:

İctimai, siyasi təşkilatların, ziyalıların,
qaçqın icmalarının yaxın vaxtlarda fəaliyyətinin əlaqələndirilməsinə dair
Təkliflər

1. Siyasi partiyaların, ictimai birliklərin fəaliyyətini əlaqələndirmək üçün işçi qrupun yaradılması.

2. Siyasi partiyaların, ictimai birliklərin, qaçqın icmalarının, tələbələrin içərisində əlaqə qruplarının yaradılması.

3. Diaspor təşkilatları ilə əlaqələrin qurulması.

4. Fevralın birinci ongünlüyündə böyük zallardan birində Forumun keçirilməsi.

5. Bölgələrdə siyasi, ictimai qurumların, qaçqınların iştirakı ilə toplantıların keçirilməsi.

6. Mərkəzdə və bölgələrdə zərurət olduqda birgə aksiyaların keçirilməsi üçün razılığın əldə olunması.

7. Kütləvi imzatoplama kampaniyasına başlanılması.

8. Xocalı soyqırımı ərəfəsində, fevralın 25-də birgə mitinqin keçirilməsi.

9. Dünyanın müxtəlif yerlərində Qarabağla bağlı aksiya və digər tədbirlərin keçirilməsi.

20 ynavar – Qarabağla bağlı ümumi mövqeni əks etdirən sənədin altında geniş imzatoplama kompaniyasına başlanıldı.

23 yanvar – Qarabağ Partizanlarının hüquqlarının müdafiəsi ilə bağlı bəyanat verildi.

31 yanvar – Minsk Qrupu həmsədrlərinin Bakıya növbəti səfərinə etiraz olaraq aeroportda etiraz aksiyası keçirildi.

1 fevral – Minsk Qrupu həmsədrlərinin Bakıya səfərinə etiraz olaraq Xarici Işlər Nazirliyi qarşısında aksiya keçirildi. Polis aksiyanı dağıtdı, 13 nəfər həbs olundu.

9 fevral – QAT –ın “Azad Qarabağ” qəzetinin nəşrinə başlanıldı.

13 fevral – Minsk Qrupu həmsədrlərinin səmərəsiz Rambuye görüşünün nəticələri ilə bağlı bəyanat verildi.

14 fevral – Xocalı Soyqırımının ildönümünə hazırlıqla bağlı ANS və Space telekanallarına müsahibə verildi.

16 fevral – Akif Nağı ANS telekanalının “Meydan” verilişində 1 saatlıq çıxış etdi.

17 fevral – Ramil Səfərovun məhkəməsi ilə bağlı bəyanat verildi.

18 fevral – QAT Mingəçevir şəhər şöbəsi yenidən quruldu.

18 fevral – Natiq Həsənov Mingəçevir, Ağdaş, Yevlax, Xanlar , Bərdə, Ağdam, Tərtər, Goranboy rayonları üzrə QAT –ın koordinatoru təyin olundu.

22 fevral – Akif Nağı ANS ÇM radiosunun canlı efirində 1 saatlıq çıxış etdi.

23 fevral – Akif Nağı Space radiosunda 1 saatlıq çıxış etdi.

23 fevral – QAT Naxçıvan şöbəsi Xocalı Soyqırımının ildönümü ilə bağlı anım mərasimi keçirdi.

25 fevral - QAT Mingəçevir şöbəsi anım mərasimi keçirdi.

25 fevral – QAT Gəncə şöbəsi anım mərasimi keçirdi.

26 fevral- QAT Lənkəran şöbəsi anım mərasimi keçirdi.

26 fevral – Bakıda “Vətən Harayı”Xocalı abidəsi ziyarət edildi.

28 fevral – Gürcüstanda azərbaycanlıların hüquqlarının pozulması ilə bağlı bəyanat verildi. Bəyanatda deyilir: Son vaxtlar Gürcüstanda yaşayan azərbaycanlılara, Borçalı əhalisinə qarşı təzyiq və təqib kampaniyası ciddi şəkildə güclənmişdir. Gürcüstan hakimiyyət nümayəndələrinin birbaşa iştirakı ilə azərbaycanlıların öz yurdlarından, torpaqlarından çıxarılmasına cəhdlər göstərilir. Bəzi məlumatlara görə,bu proseslər erməni əsilli gürcülər tərəfindən həyata keçirilir. Müxtəlif vasitələrlə, pulla, şantajla azərbaycanlılara məxsus torpaq sahələri ələ keçirilir, onlara isə torpaq payları verməkdən imtina edirlər. Etiraz etmək istəyən azərbaycanlılara qarşı qəddar cəza tədbirləri görülür, həbsxanalara atılırlar. Son hadisələr zamanı 14 azərbaycanlı həbs edilmişdir. Üstəlik gürcü hüquq-mühafizə orqanlarının əməkdaşları yerdə qalanların da siyahısının tutulduğunu və axtarıldıqlarını bildirirlər. Açıq-aydın hiss olunur ki, Gürcüstan hakimiyyəti azərbaycanlıları həbs etməklə, onları daim tutulmaq qorxusu altında saxlamaqla öz məqsədinə nail olmağa, onların haqq səsini boğmağa çalışırlar. Qarabağ Azadlıq Təşkilatı hesab edir ki, Gürcüstan hakimiyyəti bu hərəkətləri ilə azərbaycanlıları tam torpaqsız qoymaq, sonra isə ölkədən tamamilə çıxarmaq məqsədi güdür. Ermənistan hakimiyyətinin qərbi azərbaycanlılara qarşı etdiklərini indi Gürcüstan borçalıların başına gətirmək istəyir. Bu rüsvayçı və qədddar siyasətin qarşısı alınmalıdır.

QAT Azərbaycan hökumətindən borçalıların taleyi ilə bağlı dərhal tədbirlər görməsini, Gürcüstan hakimiyyətinin bu yanlış siyasətinin qarşısının alınması üçün addımlar atmasını tələb edir. Gürcüstan hakimiyyətinin bu hərəkətləri Azərbaycan-Gürcüstan münasibətlərinə zərbə vurur. Gürcüstan hakimiyyəti bu antiazərbaycan mövqeyindən geri çəkilməsə, Azərbaycanla Gürcüstan arasında indiki xoş münasibətlərin saxlanılmasına heç bir ehtiyac qalmayacaqdır. QAT bu münasibətlərin pozulması üçün öz imkanları daxilində konkret addımlar atacaqdır.

4 mart – Ramil Səfərovun işi ilə bağlı Budapeşt şəhər məhkəməsinə Macarıstan mətbuatına müraciət göndərildi.

13 mart – ATƏT-in erməni nümayəndələrinin Bakıda keçiriləcək tədbirə dəvətinə etiraz olaraq bəyanat verildi.

15 mart – Kanadadakı Azərbaycan diasporasının nümayəndələri ilə görüş keçirildi.

16 mart – Bakıda ATƏT-in təşkilatçılığı ilə keçirilən konfransda ermənilərin iştirakına etiraz olaraq aksiya keçirildi. Aksiya polis tərəfindən dağıdıldı, 4 nəfər həbs olundu.

17 mart – ABŞ-da ermənilərin siyasətinə qarşı təbliğat aparan, əslən Bakılı Feliks Sertsevadze ilə görüş keçirildi.

28 mart – Ramil Səfəfrovun məhkəməsi ilə bağlı Budapeşt şəhər məhkəməsinə müraciət göndərildi.

31 mart – “Soyqırım günü” ilə bağlı Şəhidlər Xiyabanı ziyarət edildi.

2 aprel – Kəlbəcərin işğalının ildönümü ilə bağlı Şəhidlər Xiyabanı ziyarət edildi.

5 aprel- Ramil Səfərova Budapeşt şəhər məhkəməsində prokuror tərəfindən “ömürlük həbs cəzası” istənilməsinə qarşı etiraz bəyanatı verildi.

07 aprel – QAT Ağsaqqallar Şurası Budapeşt şəhər məhkəməsində Ramil Səfəfrova qarşı ədalətsiz qərar çıxarılması ilə bağlı Bəyanat verdi.

09 aprel – Ramil Səfərovla bağlı ədalətsiz qərara etiraz olaraq Tərtər rayonunda aksiya keçirildi.

11 aprel – Akif Nağı Ictimai radioda Qarabağla bağlı çıxış etdi.

11 aprel – Qarabağ Azadlıq Təşkilatı Ramil Səfərovla bağlı Mətbuat Konfransı keçirdi və Bəyanat verdi. Bəyanatda deyilir.

Ramil Səfərovun Hüquqlarını müdafiə komitəsinin

Bəyanatı

 Azərbaycan ordusunun zabiti Ramil Səfərovun işi ilə bağlı məhkəmə prosesi sona yaxınlaşır. Heç bir şübhə yoxdur ki, Budapeşt şəhər məhkəməsi Ermənistan hakimiyyətinin və erməni lobbisinin təsiri altındadır və məhkəmə obyektiv, ədalətli qərar qəbul edə bilməyəcəkdir. Bu son məhkəmə prosesində birmənalı şəkildə nümayiş etdirilmişdir. Hakim Andraş Vaskuti Ramil Səfərovu müdafiə edən tərəfin müraciətlərini qeyd-şərtsiz rədd etmiş, obyektiv ekspertiza rəylərini, həmçinin Ramil Səfərovun təhsil aldığı məktəblərin, o cümlədən, Budapeşt təlim mərkəzinin müsbət xasiyyətnamələrini, onun ordu və kurs yoldaşlarının ifadələrini nəzərə almaq istəməmişdir. Bütün bunlar bir daha göstərir ki, Budapeşt şəhər məhkəməsi ermənilər tərəfindən ələ alınmışdır, ermənilər bu məhkəmənin vasitəsi ilə Ramil Səfərova divan tutmaq istəyirlər.

 Ramil Səfərovun hüquqlarını müdafiə komutəsi hesab edir ki, düşmənin məkrli niyyətlərinə yol verməmək üçün təcili və təsirli tədbirlər həyata keçirilməlidir:

1. Azərbaycan hakimiyyəti aprelin 13-də məhkəmə prosesinin təxirə salınması, məhkəmə heyətinin dəyişdirilməsi üçün konkret addımlar atmalıdır.

2. Azərbaycan Respublikası Milli Məclisinin Macarıstan parlamenti ilə əlaqə qrupu təcili Budapeştə səfər etməli, Macarıstan parlamentində məhkəmə prosesinin müzakirəsinə nail olmalıdır.

3. Dövlət səviyyəsində təşkil olunmaqla, geniş tərkibdə mətbuat qrupu yaradılmalı və təcili olaraq Budapeştə ezam olunmalıdır.

4 .Azərbaycanın Macarıstandakı səfirliyi dərhal Macarıstanın müxtəlif dövlət və hüquq-mühafizə orqanları ilə intensiv iş aparılmasına başlamalıdır.

5. Ramil Səfərov haqqında hansı hökmün çıxarılmasından asılı olmayaraq, onun dərhal Azərbaycana ekstradisiya edilməsinə Azərbaycan hakimiyyəti nail olmalıdır. Ona qarşı ediləcək hər hansı terror hərəkətinin məsuliyyəti Macarıstan hakimiyyətinin üzərinə düşəcəkdir.Macarıstan hakimiyyəti bunu başa düşməli və Ramil Səfərovun ekstradisiya edilməsində maraqlı olmalıdır.

13 aprel – R.Səfərovla bağlı yürüş mitinqi keçirildi.

14 aprel – R.Səfərovla bağlı yürüş mitinqi keçirildi.

14 aprel – Ağsu rayonunda R.Səfərovla bağlı etiraz aksiyası keçirildi.

14 aprel – R.Səfərovla bağlı Lənkəranda etiraz aksiyası keçirildi.

15 aprel – R.Səfərovla bağlı Mingəçevir şəhərində etiraz aksiyası keçirildi.

15 aprel – R.Səfərovla bağlı Bakının Dərnəgül qəsəbəsində etiraz aksiyası keçirildi.

17 aprel – Bakıda H.Cavid prospektində R.Səfərovla bağlı yürüş keçirildi. 8 QAT üzvü o cümlədən Akif Nağı həbs olundu.

19 aprel – “Işğal olunmuş ərazilər günü”nün qeyd olunması ilə bağlı Milli Məclisə müraciət olundu. Müraciətdə deyilir:

Qarabağ Azadlıq Təşkilatının “Işğal olunmuş ərazilər günü”nün

qeyd olunması ilə əlaqədar Azərbaycan Respublikası Milli Məclisinin sədri Oqtay Əsədova, millət vəkillərinə

Müraciəti

XIX əsrin sonlarından başlayaraq Azərbaycan xalqı daim ermənilərin ərazi iddialarına, terroruna, hücumlarına məruz qalmışdır. Cənubi Qafqaz, o cümlədən Azərbaycan ermənilərin məskunlaşdığı ərazi olmamışdır. Onlar bu ərazilərə XIX əsrin əvvəllərindən etibarən rus çarizmi tərəfindən köçürmüşlər. Onlar bu ərazilərdə möhkəmləndikdən sonra yerli əhaliyə, birinci növbədə azərbaycanlılara qarşı ərazi iddiaları ilə çıxış etməyə, təxribat, terror və digər üsullardan istifadə edərək azərbaycanlıları öz torpaqlarından çıxartmağa başlamışlar. Bu işdə onlar Rusiya və bir sıra digər xarici dövlətlərin köməyi ilə yaratdıqları terrorçu təşkilatlarından, quldur dəstələrindən istifadə etmiş və bu gün də istifadə edirlər.

Erməni işğalçılarının 1905-1906, 1918-1920, 1948-1951, 1988-ci ildən başlayaraq Azərbaycan xalqına qarşı törətdikləri cinayətlərin, hərbi basqıların kökündə ərazi iddialarından başqa bir şey dayanmır. 1918-ci ildə Cənubi Qafqazın əsas xalqları – azərbaycanlılar və gürcülər öz müstəqilliklərini elan etdilər. Onlarla birlikdə ermənilər də öz müstəqilliyini elan etdi, lakin erməni dövlətinin yaradılması üçün erməni əhalisinin toplum halında yaşadığı bir ərazi yox idi. Həmin dövrdə Antanta dövlətlərinin təkidi ilə əksəriyyət etibarı ilə azərbaycanlıların yaşadığı İrəvan qəzasının bir hissəsi, 9 min kvadrat kilometrlik ərazi Azərbaycan Demokratik Respublikasının rəhbərliyi tərəfindən öz dövlətini yaratmaq üçün ermənilərə verildi.

1920-ci ildə Sovet Rusiyası ermənilərin ərazi iddialarının reallaşdırılması üçün daha əlverişli şərait yaratdı. Nəticədə qondarma «Ermənistan Sovet Respublikası»nın ərazisi Azərbaycan torpaqlarının hesabına 30 min kvadrat kilometrə çatdırıldı. Bu faktlar əyani şəkildə göstərir ki, Cənubi Qafqazda erməni torpağı olmamışdır və erməni dövləti Azərbaycanın tarixi torpaqlarında yaradılmışdır.

1988-ci ildə Ermənistan Azərbaycana qarşı yenidən ərazi iddiaları irəli sürmüş və Azərbaycan torpaqlarına hərbi müdaxilə həyata keçirmişdir. Bu müdaxilə nəticəsində Azərbaycanın 14 min kvadrat kilometrlik ərazisi işğal olunmuşdur. 1992-ci il mayın 8-də Ermənistan silahlı qüvvələri tərəfindən Şuşanın işğalı Azərbaycan xalqı üçün daha ağır, sarsıdıcı zərbə olmuşdur. Şuşa Azərbaycan xalıqının qədim tarixini, mədəniyyətini, mənəviyyatını özündə əks etdirən bir simvoldur. Şuşaya qəsd etməklə ermənilər doymaq bilməyən ilhaqçılıq iddialarının son həddinə çatmışlar. Şuşanın, həmçinin son dövrdə digər ərazilərimizin işğalı başqa amillərlə yanaşı, həm də daha çox unutqanlığımızın, hər dəfə düşmənə hər şeyi bağışlamağımızın nəticəsidir.

Bütün bunları nəzərə alaraq, Qarabağ Azadlıq Təşkilatı dəfələrlə Azərbaycan xalqına, ictimai, siyasi qurumlara, dövlət orqanlarına müraciət edərək, Şuşanın işğalı - 8 may gününün «İşğal olunmuş ərazilər günü» kimi qeyd olunmasını təklif etmişdir. İşğal olunmuş ərazilər dedikdə bu gün işğal altında olan bütün Azərbaycan torpaqları, o cümlədən İrəvan, Göyçə, Zəngəzur, Qarabağ və digər ərazilər nəzərdə tutulur. Bu günün qeyd olunması Azərbaycan xalqının qan yaddaşının möhkəmləndirilməsinə, işğal altında olan torpaqlarımızın azad edilməsinə, düşmənlərimizin daha məkrli niyyətlərinin qarşısının alınmasına yönəlmişdir.

 «İşğal olunmuş ərazilər günü» haqqında qanunun qəbul olunması, bu tarixin müxtəlif tədbirlər, aksiyalarla qeyd olunması, uyğun izahat və təbliğat işinin aparılması üçün hər birinizin yardımçı olmağınızı, birlikdə konkret addımlar atmağınızı, ümumi Qarabağ hərəkatında fəal iştirakınızı xahiş edirik.

20 aprel – Işğal olunmuş ərazilər günü ilə bağlı ANS telekanalında Akif Nağı çıxış etdi.

20 aprel – QAT sədrinin müavini Şahin Tağıyev Hollandiyanın Amsterdam şəhərində görüşlər keçirtdi. Oradan QAT-ın yerli şöbəsinin təşəbbüs qrupu yaradıldı.

24 aprel – QAT Gənclər Şurasının üzvü R.Səfərovla bağlı yürüş mitinqi keçirməyə cəhd göstərdilər. Yürüş polis tərəfindən dağıdıldı.

25 aprel – Milli Məclisdə QAT –ın işğal olunmuş ərazilər günü ilə bağlı müraciəti müzakirə olundu.

04 may – QAT Ağsaqqallar Şurasının bir qrup üzvü Milli Məclisin deputatı, Azərbaycan Macarıstan dostluq qrupunun rəhbəri Xanhüseyn Kazımlı ilə görüşdülər. Görüşdə R.Səfərovun birgə müdafiə olunması üçün təkliflər verildi.

08 may – Şuşanın işğal günüdə Şəhidlər Xiyabanı ziyarət olundu, anım mərasimi keçirildi.

08 may – Ağsu, Mingəçevir, Şəki, Lənkəran və digər rayonlarda Şuşanın işğal günü ilə bağlı anım mərasimləri keçirildi.

08 may – Akif Nağı Ictimai Televiziyada Qarabağ məsələsinin həlli yollarına dair çıxış etdi.

12 may – Akif Nağı ANS Telekanalında “CƏM” verilişində çıxış etdi.

18 may – Laçının işğal günü ilə bağlı Şəhidlər Xiyabanı ziyarət olundu, anım mərasimi keçirildi.

23 may – Minsk Qrupu həmsədrlərinin bölgəyə səfərinə qarşı etiraz Bəyanatı verildi. Bəyanatda deyilir:

Qarabağ Azadlıq Təşkilatının

Bəyanatı

 Minsk Qrupu həmsədrlərinin yüksək səviyyəli diplomatlarla birlikdə bölgəyə növbəti səfəri Azərbaycanın təslimçi sülhə məcbur edilməsinə yönəlmişdir. Beynəlxalq təşkilatlar, ayrı-ayrı dövlətlər Azərbaycan hakimiyyətinin öz torpaqlarını işğaldan azad etmək üçün qətiyyət göstərməməsindən istifadə edərək, işğalçı Ermənistanın iddialarının reallaşdırılması istiqamətində çalışırlar. Azərbaycana təklif olunan “ sülh variantı” Azərbayacanın bu günə qədər işğal altında saxlanılan rayonlarından beş yaxud altısının heç nə olmamış kimi geri qaytarılması və bunun müqabilində “Dağlıq Qarabağa” aralıq statusu verməklə, həmçinin bölgəyə “sülhməramlı” qüvvələri yerləşdirməklə Dağlıq Qarabağın Laçın və digər ərazilərlə birlikdə həmişəlik və həm də hüquqi cəhətdən Azərbaycanın nəzarətindən çıxarılmasını nəzərdə tutur.

 Minsk Qrupunun həmsədr ölkələri həmişə ermənipərəst mövqe tutmaqla bu antiazərbaycan xəttini həyata keçirməyə çalışmışlar. Bu günlərdə ABŞ Konqresi işğalçı Ermənistanı himayə etdiyini bir daha nümayiş etdirmişdir. Bu qurum 2007-ci il üçün işğalçı Ermənistana 62 milyon, onun işğal olunmuş ərazilərdə yaratdığı qondarma “rejimə” isə 5 milyon dollar həcmində hərbi yardım ayrılmasını təklif etmişdir. Rusiya isə işğalçı Ermənistanla hərbi əməkdaşlığını genişləndirərək Gürcüstandan çıxarılan silah, sürsat və texnikanı birbaşa Ermənistana göndərir, üstəlik bu prosesi Azərbaycanın ərazisindən keçirməkdən də çəkinmir. Fransa parlamenti açıq-aşkar ermənipərəst mövqedə qalaraq, Türkiyənin kəskin etirazlarından sonra rüsvayçı qanun layihəsinin müzakirəsini hələlik yalnız təxirə saldı.

 Bütün bunlardan sonra Minsk Qrupunun fəaliyyətinin davam etdirilməsi, Azərbaycan cəmiyyətinin, hakimiyyətinin bu qurumun fəaliyyətindən hansısa müsbət nəticəni gözləməsi absurddur. Qarabağ Azadlıq Təşkilatı bir daha Minsk Qrupu həmsədrlərinin ermənipərəst fəaliyyətinin dayandırılmasını, onların bölgəyə səfərlərinə son qoyulmasını tələb edir. Bu gün Minsk Qrupu həmsədrlərinin fəaliyyətinə rəvac verən hakimiyyət strukturları hər hansı digər qurum Azərbaycanın milli maraqlarına xəyanət mövqeyində dayanır. Biz bu xəyanətkar xəttin həyata keçirilməsinə imkan verməyəcəyik. Baş verəcək hadisələrin məsuliyyəti beynəlxalq təşkilatların və Azərbaycanın hakimiyyətinin üzərinə düşəcəkdir.

25 may – “Qrabağ dünən, bu gün və sabah” mövzusunda elmi-praktiki konfrans keçirildi. Konfransın materialı əsasında buraxılmış kitabın təqdimatı oldu.

29 may – Ermənistan Müdafiə Nazirinin nümayəndəliyinin Bakıda keçirilən beynəlxalq toplantıya qatılmaq cəhdinə qarşı Bəyanat verildi. Ermənilər tədbirə gəlmədilər.

12 iyun – “Uğurlu döyüş əməliyyatı”nın ildönümünə həsr olunmuş Dəyirmi Masa keçirildi. Dəyirmi Masada qəbul edilmiş sənəddə deyilir.

Qarabağ Azadlıq Təşkilatının 12 iyun- uğurlu döyüş
əməliyyatlarının ildönümü ilə əlaqədar “Peşəkar ordu:
problemlər və perspektivlər” mövzusunda
keçirdiyi Dəyirmi Masa iştirakçılarının
Bəyanatı

 Torpaqları işğal altında olan Azərbaycan üçün ordu quruculuğu xüsusi əhəmiyyət kəsb edir. Lakin müdafiə nazirliyinin dəfələrlə verdiyi optimist bəyanatlara baxmayaraq, bu sahədə ciddi islahatların aparıldığı hiss olunmur. Peşəkar və yaxud müqaviləli orduya keçidlə bağlı hər hansı addımın atılmaması, hətta müzakirə olunmaması daha ciddi narahatlıq doğurur. Dünya praktikasından məlumdur ki, peşəkar və yaxud müqaviləli ordu daha çevik, mobil və səmərəli fəaliyyət göstərə, az itgilərlə daha çox nəticələrə nail ola bilir. ABŞ və Avropanın bir sıra ölkələrində peşəkar ordu sisteminə keçilmişdir, yaxın qonşularımızdan Rusiya, Iran, Türkiyə qismən müqaviləli ordu sistemini tətbiq edirlər. Gürcüstanda müqaviləli orduya keçid artıq başlanmış və bu prosesin 2009-cu ildə başa çatdırılması nəzərdə tutulmuşdur. Iqtisadi cəhətdən çətinliklər içərisində olan işğalçı Ermənistan da ilk addımları atmışdır. Azərbaycanda isə, bəzi məlumatlara görə yalnız 2010-cu ildə müqaviləli orduya keçidlə bağlı ilkin müzakirələrə başlamaq istəyirlər. Bu cür münasibət yolverilməzdir. Peşəkar və yaxud müqaviləli ordunun yaradılması üçün maliyyə imkanlarının əsas olduğunu nəzərə almaqla, Azərbaycan bu prosesi daha tez başlaya bilər və bu günə qədər bu istiqamətdə konkret addımların atılmaması bağışlanılmaz səhvdir.

 Birinci Qarabağ müharibəsi dövüründə Azərbaycan ordusunun bir sıra uğurla əməliyyatları olmuşdur. O cümlədən, 1992-ci il iyunun 12-də başlayan geniş miqyaslı hərbi əməliyyatlar ordumuzun qalib gəlmək gücünü, komandirlərmizin və əsgərlərmizin döyüş bacarığı və rəşadətini nümayiş etdirmişdir. Birinci Qarabağ müharibəsinin təcrübəsi də peşəkar və yaxud müqaviləli orduya keçidin zəruriliyini təsdiq edir.

 Bütün bunları nəzərə alaraq Dəyirmi Masa iştirakçıları hesab edirlər:

1. Birinci Qarabağ müharibəsinin uğurlu döyüş əməliyyatlarının cəmiyyətdə təbliğ edilməsinə, ölkədə döyüş, vətənpərvərlik əhval-ruhiyyəsinin gücləndirilməsinə, işğalçı Ermənistana qarşı barışmaz mövqenin formalaşdırılmasına xüsusi diqqət yetirilməlidir.

 2.Peşəkar və yaxud müqaviləli orduya keçidlə bağlı dövlət səviyyəsində fəaliyyət proqramı hazırlanmalı və ləngimədən konkret addımlar atılmalıdır.

 3. Milli Məclis tərəfindən peşəkar ordu haqqında qanun layihəsi hazırlanmalı, müzakirə olunmalı və qəbul edilməlidir.

 4. Peşəkar və yaxud müqaviləli ordunun yaradılması prosesinə Birinci Qarabağ müharibəsində iştirak etmiş təcrübəli zabitlər cəlb olunmalıdır.

 5. Peşəkar ordunun yaradılmasının zəruriliyi ilə bağlı ictimai müzakirələr davam etdirilməlidir.

16 iyun – Işğal olunmuş ərazilərdə törədilən yanğınlara qarşı Bəyanat verildi.

21 iyun – Minsk Qrupu tərəfindən Azərbaycanın maraqlarına zidd olan danışıqların dayandırılası tələbi ilə Bəyanat verildi.

23 iyun – QAT –ın təşəbbüsü ilə bir sıra QHT-nın və deputatların daxil olduğu işçi qrupu yaradıldı. Işçi qrup hərbi qanunvericiliyin təmilləşdirilməsinə dair təkliflər hazırlayır.

24 iyun – Amerikalı həmsədr Metyu Brayzanın antiazərbaycan mövqeyi ilə bağli bəyanat verildi.

24 iyun – Akif Nağı Ictimai Televiziyada çıxış etdi.

28 iyun – Minsk qrupu həmsədrlərinin və Ermənistan Xarici Işlər Nazirliyinin Azərbaycana qarşı yönəlmiş açıqlamalarına qarşı Azərbaycan xalqına müraciət edildi.

04 iyul – Akif Nağı ANS telekanalında çıxış etdi.

18 iyul – Izrailin Livana hücumlarına etiraz olaraq Bəyanat verildi.

23 iyul – Ağdamın işğal günü ilə bağlı Şəhidlar Xiyabanı ziyarət olundu, anım mərasimi keçirildi.

28 iyul – Akif Nağı Ictimai Radioda çıxış etdi.

30 iyul – Minsk Qrupu həmsədrlərinin yeni təklifləri ilə bağlı Akif Nağı palitoloq Eldar Namazova qarşı ANS telekanalının “Nəzər Nöqtəsi”ndə çıxış etdi.

31 iyul – Bir qrup Qeyri Hökümət Təşkilatının nümayəndəsinin Xankəndinə səfərinə etiraz bəyanatı verildi.

31 iyul – Ictimai Televiziyada Akif Nağı çıxış etdi.

1 avqust – Akif Nağı Ictimai Televiziyada çıxış etdi.

6 avqust – Akif Nağı Ictimai Televiziyada çıxış etdi.

23 avqust – Fizuli və Cəbrayılın işğal günü ilə bağlı Şəhidlər Xiyabanı ziyarət olundu, anım mərasimi keçirildi.

28 avqust – Akif Nağı Ictimai Televiziyada çıxış etdi.

29 avqust – QAT Ağsaqqallar Şurasının bir qrup üzvü Islam Konfransı Təşkilatına üzv olan ölkələrin dövlət başçılarına Müraciət göndərdilər. Müraciətdə deyilir:

Qarabağ Azadlıq Təşkilatı
Məlumat

Qarabağ Azadlıq Təşkilatı Ağsaqqalar Şurasının üzvləri Islam Konfransı Təşkilatına üzv olan ölkələrin, o cümlədən Pakistan, Türkiyə, Iran, Iraq, Liviya, Səudiyyə Ərəbistanı Qazaxstanı, Özbəkistan, Misir və digər ölkələrin dövlət başçılarına müraciət unvanlamışlar. Müraciət bu gun həmin ölkələrin səfirliklərinə göndərilmiş, eyni zamanda səfirlərdən görüşüb müzakirələrin aparılması xahiş olunmuşdur. QAT Ağsaqqalar Şurasının üzvləri eyni zamanda ölkə prezidenti Ilham Əliyevə, Xarici Işlər naziri Elmar Məmmədyarova, Şeyxülislam Allahşükür Paşazadəyə müraciət edərək, bu təşəbbüsə təşkilatı və mənəvi dəstək vermələrini xahiş etmişlər. Müraciətdə deyilir:

Bütün dünyanın gözləri qarşısında Ermənistan Azərbaycanın ərzailərini zəbt edərək hələ də işğal altında saxlayır. Azərbaycanın 14 min kv kilometrlik ərazisi, bu ərazilərdə 900-ə yaxın yaşayış məntəqəsi, yüzlərlə məsçid və məbədlər, tarix, mədəniyyət abidələri, sənaye və kənd təsərrüfatı müəssisələri, elm və təhsil ocaqları Islama düşmən olanların işğalı altındadır. Erməni işğalı nəticəsində 1 milyondan artıq insan öz yurdlarından çıxarılaraq məcburi köçkün və qaçqın vəziyyətinə salınmışdır, onların xeyli hissəsi hələ də çadır düşərgələrində, yük vaqonlarında, yararsız binalarda dözülməz şəraitdə, ağır ehtiyac içərisində yaşayırlar.

 Biz Islam Konfransı Təşkilatına üzv olan ölkələrdən daha ciddi yardım və real addımlar gözləyirik. Biz Sizin dövlətinizin və bütövlükdə Islam Konfransı Təşkilatının Ermənistanın təcavüzü nəticəsində yaranmış Qarabağ məsələsinin həlli istiqamətində səylərinizi və mövqeyinizi yüksək qiymətləndiririk. Lakin eyni zamanda bu səylərin real nəticə verməsi və Sizin mövqeyinizin işğalçı Ermənistan tərəfindən nəzərə alınması, işğalçı dövlətin sərt mövqe ilə hesablaşmaq məcburiyyətində qalması üçün daha kəskin və praktiki addımların atılmasını gözləyirik. Biz hesab edirik ki, Islam Konfransı Təşkilatına üzv olan hər bir ölkə bu Təşkilatın və BMT Təhlükəsizlik Şurasının Ermənistanın işğalçı hərəkətləri ilə bağlı qəbul etdiyi qərar və qətnamələrə uyğun olaraq, işğalçı Ermənistanla siyasi, iqtisadi, mədəni və bütün digər əlaqələri kəsməli, Ermənistanın beynəlxalq aləmdə təcrid olunmasına çalışmalı, işğalçı Ermənistana qarşı beynəlxalq təşkilatlar tərəfindən sanksiyaların tətbiq edilməsinə nail olmalı, Azərbaycanın işğalçı Ermənistana qarşı mübarizəsinə həmrəylik nümayiş etdirməlidir. Erməni işğalçılığı və terroru təkcə Azərbaycan üçün deyil, bütün dünya və birinci növbədə Islam dünyası üçün təhlükəlidir. Işğala və terrora qarşı bütün gücümüzü və səylərinizi birləşdirməliyik.

 Biz ilk konkret addım kimi Islam Konfransı Təşkilatının Qarabağ məsələsinə həsr olunmuş yüksək səviyyədə xüsusi toplantısının keçirilməsini və həmin toplantıda geniş müzakirələr nəticəsində işğalçı Ermənistana qarşı tətbiq ediləcək qəti tədbirlərin müəyyənləşdirilməsini təklif edir və bu Zirvə toplantısının həyata keçirilməsi üçün öz tərəfinizdən təşəbbüs və yardım göstərməyinizi xahiş edirik.

 Allah haqq yolunda olan bütün insanlara, xalqlara və dövlətlərə kömək olsun.

 Hörmətlə: Qarabağ Azadlıq Təşkilatı Ağsaqqallar Şurasının üzvləri: 

1. Rəhim Hüseynov, Azərbaycan Respublikasının sabiq Baş Naziri, Beynəlxalq “Xəzər” fondunun prezidenti, Ümumdünya Sülh Federasiyasının üzvü

2. Yaqub Məmmədov, Azərbaycan Respublikası Ali Sovetinin sabiq sədri, tibb elmləri doktoru, professor

3. Midhət Abbasov, Azərbaycan Respublikası sabiq dövlət katibi, Milli Elmlər Akademiyasının həqiqi üzvü, Beynəlxalq Ekoenergetika Akademiyasının, Beynəlxalq Təbiət və Cəmiyyət Elmləri Akademiyasının üzvü, keçmiş SSRI Elmlər Akademiyasının və Rusiya Elmlər Akademiyasının müxbir üzvü, texnika elmləri doktoru, professor

4. Cəlal Allahverdiyev, Azərbaycan Respublikası Milli Elmlər Akademiyasının həqiqi üzvü, fizika-riyaziyyat elmləri doktoru, professor, Dövlət mükafatı laureatı, əməkdar elm xadimi, Beynəlxalq Ekoenergetika Akademiyasının üzvü

5. Asif Məmmədov, Qarabağ Azadlıq Təşkilatının Icraçı katibi

6. Telman Əliyev, Texnika elmləri doktoru, professor, “Dünyanın Intellektual Lideri” qızıl medalı laureatı, Beynəlxalq Ekoenergetika Akademiyasının üzvü, Ukrayna Inşaat Akademiyasının həqiqi üzvü

7. Teymur Novruzov, Texnika elmləri namizədi, dosent, publisist, Ekoenergetika Akademiyasının üzvü

8. Firidun Cəlilov, Azərbaycan Respublikası sabiq Təhsil Naziri, sabiq Millət vəkili, Filologiya Elmləri doktoru, professor

9. Mürşüd Məmmədli, sabiq Millət vəkili, Filologiya elmləri namizədi, dosent

10. Əhəd Ibrahimov, Texnika elmləri doktoru, professor

11. Ixtiyar Bəxtyarlı, Kimya Elmləri doktoru, professor

12. Allahverdi Nuriyev, Azərbaycan Respublikası Şəhid Ailələrini Müdafiə Cəmiyyətinin sədri

13. Yusif Qəmbərov, Texnika elmləri doktoru, professor

14. Hacı Əbdül Mahmudbəyov, Kinorejissor, aktyor, Azərbaycan Respublikası Dövlət Mükafatı laureatı

15. Əlibala Məmmədov, yazıçı, publisist

16. Allahverdi Orucov, texnika elmləri namizədi, dosent Texniki Universitetin sabiq rektoru

31 avqust – Qubadlının işğal günü ilə bağlı Şəhidlər Xiyabanı ziyarət olundu və anım mərasimi keçirildi.

01 sentyabr – Akif nağı Ictimai Televiziyada çıxış etdi.

02 sentyabr – Akif Nağı ANS telekanalında çıxış etdi.

03 sentyabr – Akif Nağı ANS telekanalının “Həftə sonu” analitik verilişində amerikalı həmsədr Metyu Brayzanın antiazərbaycan mövqeyini tənqid etdi.

04 sentyabr – Qarabağ Azadlıq Təşkilatı Idarə Heyətinin üzvü Gültəkin Quliyeva ANS radiosunda çıxış etdi.

09 sentyabr – Bir qrup azərbaycanlı hüquq müdafiəçilənin Ermənistana səfərinə etiraz bəyanatı verdilər.

12 sentyabr – Avropa Şurası Parlament Assambleyasının prezidendi Rene Vander Lindenin antiazərbaycan mövqeyinə qarşı Bəyanat verildi. Bəyanatda deyilir:

Qarabağ Azadlıq Təşkilatının
Bəyanatı

Avropa Şurası Parlament Assambleyasının prezidenti Rene Vander Linden son açıqlaması ilə növbəti dəfə ikili standartlar mövqeyindən çıxış etmişdir. AŞPA prezidenti Avropa Şurası üzvünün hətta müdafiə məqsədi ilə, yaxud qanunda nəzərdə tutduğu hallarda da müharibəyə başlamasına qadağa qoyur və üstəlik Avropa Şurasından xaric edəcəkləri ilə hədələyir. Bu açıqlamanın ilk növbədə torpaqları işğal altında olan Azərbaycana qarşı yönəldiyi heç kəs üçün sirr deyil. Qarabağ Azadlıq Təşkilatı bu cür qeyri-obyektiv və işğalçı Ermənistanın himayə olunmasına yönəlmiş mövqeni rədd edir. Bu mövqedən çıxış edən beynəlxalq təşkilat Azərbaycanın ərazilərini hərbi müdaxilə yolu ilə zəbt edib hələ də işğal altında saxlayan Ermənistanı öz sıralarından dərhal xaric etməli idi. Əgər bu baş verməyibsə, AŞPA prezidentinin bəyanatının heç bir əhəmiyyəti yoxdur. Qarabağ Azadlıq Təşkilatı hesab edir ki, Avropa Şurası işğalçı Ermənistan təşkilatının sıralarından çıxarılması haqda qərar qəbul etməlidir. Əks halda bu Təşkilatın Azərbaycana qarşı hər hansı qadağalar qoymağa haqqı yoxdur. AŞPA prezidentinin qanunlara, beynəlxalq normalara sayğısızlıq göstərməsinə baxmayaraq, hələki BMT Nizamnaməsini heç kəs ləğv etməmişdir. Azərbaycan BMT Nizamnaməsinin 51-ci maddəsinə uyğun olaraq, zəruri müdafiə hüququndan istifadə edərək işğal altındakı ərazilərini hərbi yolla azad etməlidir.

18 senytabr �